هَنی پائیز هَنی درس و مَدرسَه

نیمکَت و میداد تراش و هیندَسَه

ناظیم و معلیم و مودیر و فراش

واین بخونَن دا ک جایی آرَسَه

نِخونیم تیلیم مزرگیری کَریم

وایم پینجی بدارَم دِه م را وَسَه

هیزار زورینَه نشیم نیمکَتی سَر

وایدا ک پِشَیمَه م اسکَتی سَر

ایتِه درس ایتِه مزا ایتِه دَوآ

ایتِه جیر ویدیِسیم و ایتِه کَفا

هنتَه شَه دا ک م هم یادم گِتَه

دَرسم خوندَه و دیپلمم ویگِتَه

کاش هَنی بشایم آگردم مدرَسه

بخونیم دکتر ببیم مَوایم وَسَه

خردَنِن خوبَه ک دَرسی بخونَم

دا ام دنیا کو وییَر چی بزونَم

ای روزی ویر ووئرَن ک م چ وام

نِداره فایده ای هر چی بوام

 

مهرداد برزگردوست